Bu gün müxalifətin mitinqi keçiriləcək
Bu gün Bakıda Azərbaycan müxalifətinin uzun fasilədən sonra ilk etiraz aksiyası keçiriləcək
Milli Şuranın təşkil etdiyi aksiyada Konstitusiya dəyişiklikləri haqda referenduma və ölkədə sosial-iqtisadi vəziyyətin ağırlaşmasına etiraz ediləcək.
Mitinq Bakının Yasamal rayonundakı “Məhsul” stadionunda (“İnşaatçılar” metrostansiyasının yanı) olacaq. Aksiya saat 17.00-dan 19.00-a qədər elan olunub.
Mitinqin deyilən vaxtda və ünvanda keçirilməsi üçün Bakı Şəhər İcra Hakimiyyətinin razılığı var və Bakı polisi aksiyanın təhlükəsizliyini təmin edəcək.