azia.az
azia.az

Somalidə Türkiyə və Azərbaycan vətəndaşları öldürüldü

31-03-2016, 10:01

Somalidə Türkiyə və Azərbaycan vətəndaşları öldürüldü Somalinin paytaxtı Moqodişo yaxınlığında naməlum silahlılar içərisində Türkiyə, Azərbaycan vətəndaşları və yerli sakinlər olan xidməti avtomobilə hücum ediblər.
“Anadolu”nun verdiyi məlumata görə, nəticədə 1 Türkiyə, 1 Azərbaycan və 1 Somali vətəndaşı öldürülüb.
Hadisə nəticəsində xəsarət alanlar var, onların dəqiq sayı məlum deyil. Hadisənin təfərrüatları barədə hələ ki, məlumat verilmir.
Faktı təsdiqləyən Türkiyə XİN bəyanat yayıb. "Bu gün axşam saatlarında Somalinin paytaxtı Mogadişoda vətəndaşlarımızın da içində olduğu nəqliyyat vasitəsi silahlı hücuma məruz qalıb. Nəticədə bir vətəndaşımızın yanında 1 Azərbaycan və 1 Somali vətəndaşı həyatını itirib, bir neçə vətəndaşımız isə yaralanıb. Biz bu terror aktını qətiyyətlə pisləyirik. Xəsarət alan Türkiyə vətəndaşları ölkənin Somalidəki səfirliyinin nəzarəti altındadır. Ölənlərin ailə üzvlərinə və yaxınlarına dərin hüznlə başsağlığı veririk", bəyanatda deyilir.
Qeyd edək ki, “Sinxua” agentliyi hadisə nəticəsində 4 nəfərin öldüyünü, 6 nəfərin isə yaralandığını, insidentin Türkiyə səfirliyi yaxında baş verdiyini bildirib.
“Reuters” agentliyi isə ölənlərin sayının 6-ya çatdığı barədə məlumat yayıb. Məlumata görə, hücumun "Əş Şəbab" terrorçu qruplaşması tərəfindən törədildiyi güman edilir.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
MƏZƏNNƏ
 Valyuta məzənnəsi