Finlandiyadakı qaçqın qəbulu mərkəzlərindən 2 500 miqrant yoxa çıxıb, onlarla heç bir əlaqə yoxdur. APA-nın “TASS”a istinadən verdiyi xəbərə görə, bunu polis departamentinin rəisi Sanna Palo bildirib.

“Mənim fikrimcə, çox riskli bir vəziyyət yaranır: bu insanların kim olduğu, buraya nə üçün gəldikləri və sığınacaq almadıqları halda necə dolandıqları barədə bizdə heç bir məlumat yoxdur. Onların arasında çoxlu sayda saxta sənədlərlə və ya ümumiyyətlə sənədsiz gəlmiş şəxslərin olması ciddi təhlükə yaradır”, - deyə polis rəisi bildirib.