8-24 iyul tarixlərində müəllimlərin işə qəbulu imtahanlarında 41 288 namizəd iştirak edib. Musavat.com xəbər verir ki, bunu Təhsil nazirinin müavini Məhəbbət Vəliyeva bildirib. Onun sözlərinə görə, imtahanda iştirak edən namizədlərdən 18 881 namizəd (46%) uğur qazanaraq növbəti mərhələyə vəsiqə qazanıb.
"Uğur qazanan namizədlər arasında 3 nəfər maksimal (60 bal) nəticə göstərib. Bu il imtahanlarda 21 375 namizəd ilk dəfə, 19 913 namizəd isə təkrar olaraq iştirak edib. Bəzi namizədlər keçən il bir fəndən, bu il isə digər fəndən imtahan veriblər. Təkrar iştirak edən namizədlərin əksəriyyəti keçən ilki nəticələrdən daha yüksək nəticə qazanıblar".

Əli Rais