azia.az
azia.az

“Sovetski”dən köçürülən daha 111 ailəyə yeni mənzillər verilib

13-06-2016, 19:10

“Sovetski”dən köçürülən daha 111 ailəyə yeni mənzillər verilib Bu gün Bakı şəhəri Nərimanov rayonu Korloğlu Rəhimov küçəsi, 9 ünvanında yerləşən 9 mərtəbəli binanın açılış mərasimi keçirilib.

Gün.Az APA-ya istinadən xəbər verir ki, bu binadakı 1 otaqlı mənzillər “Sovetski”dən köçürülən sakinlərdən azsahəli evlərdə yaşamış ailələrə və qeyri-yaşayış mülkiyyətçilərinin istifadəsinə verilib.

Tədbirdə çıxış edən Yasamal rayon İcra Hakimiyyəti başçısının birinci müavini, köçürmə işləri üzrə komissiyanın sədri Səməd İslamov bildirib ki, Nazirlər Kabinetinin müvafiq sərəncamı əsasında 27 iyul 2015-ci ildə Bakı şəhəri, Nərimanov rayonu, Fətəli xan Xoyski küçəsi, 98 a ünvanında “Sovetski”dən köçürülən sakinlərdən azsahəli mənzillərdə yaşayan ailələrə və qeyri-yaşayış sahələrinin mülkiyyətçilərinə sahəsi 45 kv.m olan 9 mərtəbəli, 2 bloklu binada tamamilə rekonstruksiya olunmuş, hər bir kommunal şəraitlə təchiz edilmiş 104 mənzil istifadəyə verilib:

“Bu gün isə 111 mənzilin açarı sakinlərə paylanır. Mənzillərin bölüşdürülməsi iyunun 11-də Yasamal rayon İcra Hakimiyyətinin akt zalında tam şəffaf şəkildə sakinlərin iştirakı ilə püşkatma yolu ilə həyata keçirilib. Binada tam təmir olunmuş mənzillər yerləşir. Mənzillər istilik sistemi, rabitə xətləri ilə təchiz olunub. Şəhərin mərkəzində yerləşən həmin binanın həyətində sakinlərin istirahəti üçün şərait yaradılıb, park salınıb. Binanın sakinləri üçün xaricdən gətirilmiş, təzə və müasir tipli iki lift xidmət göstərəcək”, - deyə o bildirib.

S. İslamov nəzərə çatdırıb ki, buradakı mənzillər sakinlərin “Sovetski” adlanan ərazisində mövcud yaşayış sahələrindən 2-3 dəfə böyükdür: “Binada 120 mənzil var, ancaq iyunun 11-də 111 mənzilin sahibi püşkatma yolu ilə müəyyənləşdirilib”.
Sonda 111 mənzilin açarları sakinlərə paylanıb.
“Sovetski”dən köçürülən daha 111 ailəyə yeni mənzillər verilib
“Sovetski”dən köçürülən daha 111 ailəyə yeni mənzillər verilib


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Yanvar 2022    »
BeÇaÇCaCŞB
 12
3456789
10111213141516
17181920212223
24252627282930
31 
MƏZƏNNƏ
 Valyuta məzənnəsi