Kalsium və minerallarla zəngin olan süd, gecə yuxusuna keçid üçün təbii dəstək olaraq görülür. Mütəxəssislər süd istehlakının xüsusilə uşaqlıq, hamiləlik-laktasiya və qocalıq kimi dövrlərdə sümük sağlamlığı üçün həyati əhəmiyyət daşıdığını bildirirlər. Südün tərkibindəki triptofan və melatonin sayəsində daha sürətli və asan yuxuya getməyinizə kömək edə biləcəyi vurğulanır. Süd hər yaşda olan insanlar üçün lazım olan kalsium və minerallarla zəngin qidadır. C vitamini və dəmirdən başqa, həm də makro və mikro qidaların yaxşı mənbəyidir. Xüsusilə uşaqlıq, hamiləlik-əmziklilik və qocalıq dövründə sümük sağlamlığı üçün çox vacibdir.

Milli.Az baku.ws-ə istinadən yatmazdan əvvəl süd içməyin faydalarını təqdim edir:

1. Sümük və diş sağlamlığını qoruyur

Süddə olan bol kalsium sümük və diş sağlamlığı üçün çox vacibdir. Araşdırmalar sübut edib ki, yatmazdan əvvəl süddən alınan kalsium osteoporozun qarşısını alır.

2. Daha asan yuxuya getməyinizə kömək edir

Süddə olan kalsiumun bolluğu yuxuya getməkdə çətinlik çəkənlər üçün sehrli bir iksir rolunu oynayır. Yatmazdan əvvəl süd içməklə rahat yuxuya gedə və daha yaxşı dincəlmiş oyana bilərsiniz. 

3. REM yuxusunu artırır

Süddə olan kalsiumla REM yuxusunun açarına sahib ola bilərsiniz. Kalsium yuxunun ən vacib mərhələsi olan REM hissəsinə keçməyi asanlaşdırır. Qeyd edək ki, REM ingilis dilində sürətli göz hərəkəti kimi tanınan bir anlayışdır. Yuxunun ən dərin anını təyin edən rem, yuxunun göründüyü anı ifadə edir. 

4. Yuxu keyfiyyətini yaxşılaşdırır

Əgər yuxuya getdikdən sonra davamlı olaraq ayılırsınızsa və yenidən yuxuya getməkdə çətinlik çəkirsinizsə, kalsium çatışmazlığınız ola bilər. Yatmadan əvvəl süd içməklə bu vəziyyətin qarşısını ala bilərsiniz.

5. Menopozu yüngülləşdirir

Tədqiqatlar sübut edib ki, yatmazdan əvvəl süd içən qadınlar daha az sümük itkisi keçirir və menopauza daha rahat olur.