Qarabağın sülhməramlıların nəzarətində olan hissəsindəki Xocalı rayonunun Pirlər (Xramort) kəndinin əhalisi köçürülüb.


Bu barədə qondarma rejim nümayəndələrinin məlumatına əsasən "Aysor” xəbər yayıb.

Məlumatda qeyd olunur ki, kənd əhalisinin bir hissəsi - uşaqlar, qocalar və yaşlılar kənddən çıxarılıb.

Son günlər Rusiya sülhməramlı kontingentinin müvəqqəti nəzarətində olan ərazilərdə qanunsuz erməni silahlıları atəşkəsi pozmaqda davam edirlər. Onlar Xocalı rayonunun Pirlər və Fərrux kəndləri istiqamətindən mövqelərimizi atəşə tuturlar.

Ötən gün Xocalı rayonu Pirlər kəndi ərazisində səngər qazmağa cəhd göstərən qanunsuz erməni silahlı dəstələrinin bu cəhdinin qarşısı alınmışdı. /Yenisabah