Sabah Qazaxıstan prezidenti Nursultan Nazarbayev Tehrana rəsmi səfər edəcək.

APA-nın Tehran bürosunun məlumatına görə, səfər çərçivəsində İrana Qazaxıstan arasında müxtəlif sahələrlə bağlı 30-a yaxın sənəd imzalanacaq.

İki ölkənin iş adamlarının iştirakı ilə bznes-forum da keçiriləcək. Hazırda İran və Qazaxıstan arasında ticarət mübadiləsinin həcmi 1 milyard dollar təşkil edir.

Qeyd edək ki, İran prezidenti Həsən Ruhanin 2014-cü ildə Qazaxıstanda səfərdə olub.