Uşaqların sosial müdafiəsi ictimai birliyinin rəhbəri, gənc şairə, publisisit Lamiyə İsazdınin BMM-də "Ömrün Bir Gecəsi" adlı ilk şeirlər kitabının təqdimatı keçirildi.
azia.az bildirir ki, tədbirin aparıcısı Azərbaycanda Atatürk Mərkəzinin ictimai-siyasi şöbə rəhbəri Əkbər Qoşalı çıxış edərək gələn qonaqları salamlayıb, Lamiyə İsazadənin ilk şeirlər toplusunun müxtəlif mövzuları əhatə etməsindən danışıb.

Çıxış edən ziyalılar, qht rəhbərləri Lamiyə İsazadəni təbrik edərək, daha böyük uğurlar arzuladılar.

Tədbirdə Beynəlxalq Avrasiya Mətbuat Fondunun rəhbəri Umud Mirzəyev, AR Prezidenti yanında QHT-lərə Dövlət Dəstəyi Şurasının üzvü, BMAM-ın rəhbəri Rufiz Qonaqov, AR Prezidenti yanında QHT-lərə Dövlət Dəstəyi Şurasının üzvü, AGAT-ın rəhbəri Nərgiz Xələf, Müasir Azərbaycan nəşrinin və AYB-nin üzvü, şair, nasir, tərcüməçi Seyran Səxavət, Əməkdar İncəsənət Xadimi Şeyx Əbdül Mahmudbəyov, Əməkdar İncəsənət Xadimi Baba Vəziroğlu, Gəncə Regional Ədliyyə İdarəsinin rəisi Kəmaləddin Həsənov, Gəncliyə Yardım Fondunun vitse-prezidenti Salman Əliyev Və digər Azərbaycan ziyalıları çıxış etdilər.

Sonda gələn qonaqlara dərin təşəkkürünü bildirən müəllif nəşrdə 130-dan artıq şeir toplusu olduğunu vurğuladı.

Tədbirin sonunda qonaqlar müəllifin şeirlərindən səsləndirib, xatirə şəkli çəkdirib.

Vüsalə Qələndərli