Azərbaycanda moped idarə etmək üçün yeni qaydaların tətbiqi nəzərdə tutulur. Maraqlıdır, moped idarə etmək üçün sürücülük vəsiqəsi tələb olunması düzgün qərardırmı?

Mövzu ilə bağlı KONKRET.az-a açıqlama verən nəqliyyat eksperti Eldəniz Cəfərov bildirib ki, layihədə bəzi hüquqi anlaşılmazlıqlar mövcuddur:

“Yeni qanun layihəsində müəyyən qanuni proqramlar var. Bunlardan biri də ondan ibarətdir ki, Azərbaycanda moped sürmək hüququ 16 yaşdan verilir. Amma sürücülük vəsiqəsini almaq üçün şəxsin 18 yaşı olmalıdır. Burada bir məsələ ortaya çıxır: əgər moped sürən şəxsin 16 yaşı varsa, sürücülük vəsiqəsini ona necə verəcəklər? Bu məqam hələ tam aydın deyil”.

Ekspertin sözlərinə görə, mopedlərin idarə olunması ilə bağlı ayrıca qaydaların və hüquqi mexanizmlərin dəqiqləşdirilməsinə ehtiyac var.

Aynurə İsmayıl