"IMSI" İnternat Məzunlarının Sosial İnteqrasoyası GİB-nin Azərbaycan Gənclər Fondu / Azerbaijan Youth Foundationun maliyyə dəstəyi və  National Assembly of Youth Organizations of the Republic of Azerbaijan (NAYORA) təşkilatı dəstəyi ilə həyata keçirdiyi “Yaşıllaşan gözəl diyarım mənim ” layihəsi uğurla yekunlaşıb. Layihə çərçivəsində İnternat məktəbindən məzun olmağa hazırlaşan gənclər üçü Şamaxı rayonunda qış düşərgəsi təşkil olunub.
Bu düşərgənin əsas məqsədi dövlət himayəsində böyüyən gənclərin sosial inkişafına töhfə vermək, onları ekoloji biliklərlə maarifləndirmək və yaşıl dünya ideyalarına həvəsləndirmək olub.  Eyni zamanda gənclərin sosiallaşmasına dəstək məqsədilə bir sıra maarifləndirici ekskursiyalar təşkil edilib. Onlar 743-cü ildə inşa edilmiş Şamaxı Cümə məscidi, Şah Xəndan türbəsi, Seyid Əzim Şirvaninin məzarı və Şamaxı Tarix-Diyarşünaslıq Muzeyi ilə tanış olublar. Ekskursiyalar zamanı gənclərə Şamaxının tarixi və mədəniyyəti barədə geniş məlumatlar verilib.  Bu cür layihələr gənclərin cəmiyyətə inteqrasiyasına və onların gələcəkdə uğurlu bir həyat qurmasına mühüm töhfə verir.