Həkimlər 12-25 yaş qızlarda tik xəstəliyinin geniş yayılmasını "TikTok”dan istifadə ilə əlaqələndiriblər.

"Qafqazinfo” xəbər verir ki, bu barədə "CTV News” məlumat yayıb. Kanada alimləri müxtəlif yaşlarda olan 290 insanın davranışını tədqiq edərək müəyyən ediblər ki, əsəb tikləri ilə Turet xəstəliyinə oxşar simptomların inkişafı arasında ən güclü əlaqə bu yaş qrupunda və bu sosial şəbəkənin istifadəçilərində aşkar edilib.

"Qlobal əlçatanlıq və sosial mediadan istifadənin artması, həssas fərdlərdə Turet sindromu simptomlarının daha da kəskinləşməsinə səbəb ola bilər”, - deyə araşdırmanın nəticələrində deyilir.