azia.az
azia.az

Xankəndində erməni qadınlar özlərini satır: onlarla rus sülhməramlı xəstəliyə yoluxub

21-08-2021, 17:28

Xankəndində erməni qadınlar özlərini satır: onlarla rus sülhməramlı xəstəliyə yoluxub
İkinci Qarabağ Savaşında həlak olmuş, itkin düşmüş və yaralanmış erməni hərbçilərin ailələrinə dəstək göstərməklə məşğul olan Müstəqil Monitorinq Mərkəzinin verdiyi məlumata görə, son üç gündə Rusiyadan Ermənistana, İrəvandakı "Zvartnots" aeroportuna hərbi-nəqliyyat təyyarələri 3 reys ediblər. Boşaltma əməliyyatlarından sonra bəlli olub ki, təyyarələrin yükləri xüsusi laboratoriya, hərbi və mülki həkimlərdən ibarət bir neçə briqada, habelə dərman preparatı və vasitələr olub. Yüklər təcili qaydada Xankəndinə daşınıb. Ermənistan Müdafiə Nazirliyinin Mərkəzi Hərbi Hospitalının təcili yardım maşınlarından birinin sürücüsünün dediyinə görə, Rusiyanın Qarabağdakı sülhməramlı kontingentinin mənsubları arasında zöhrəvi xəstəliklər yayılıb. Tibbi briqada və xüsusi laboratoriya rusiyalı sülhməramlıların Xankəndindəki əsas bazasının sanitar hissəsi üçün nəzərdə tutulub. "Mən də maşınımla Xankəndinə müxtəlif dərmanlar və avadanlıq daşımışam, - sürücü deyib. - İkinci reysdə yükü Rusiyanın Gümrüdəki 102-ci bazasının sanitar hissəsinin təlimatçısı mayor Stepanov müşayiət edirdi. O, dedi ki, Qarabağdakı rusiyalı sülhməramlılar arasında müxtəlif mikroblar, göbələk xəstəlikləri və zöhrəvi xəstəliklər, habelə qaşınma, qoturluq, ekzema və vərəm yayılır. Yoluxmuş rusiyalı hərbçilərin analizlərini Moskvaya, Müdafiə Nazirliyinin Mərkəzi Hospitalının laboratoriyasına da göndəriblər. Həmin analizləri HİV-QİÇS-lə bağlı yoxlayacaqlar". Xankəndini tərk etmiş ermənilərlə söhbətlər zamanı Monitorinq Mərkəzinin əməkdaşları öyrəniblər ki, Xankəndində bütün ictimai iaşə müəssisələri, kiçik otellər və hostellər, habelə sutkalıq kirayəyə verilən mənzillər bordellərə çevrilib. Növbətçilikdən sonra rusiyalı sülhməramlılar oralarda dincəlməyi xoşlayırlar. Xankəndində "masaj salonları"nın sayı da artıb. Yerli erməni qadınların "xidmət"lərindən istifadə edən rusiyalı sülhməramlılara narkotik maddələr də satırlar. Rusiyalı sülhməramlıların belə "macəra"ları nəticəsində Xankəndinin mərkəzindəki hərbi bazada - əvvəllər 366-cı motoatıcı alayın yerləşdiyi hərbi hissə - zöhrəvi xəstəliklərə yoluxan və ya vərəm olan sülhməramlılar üçün əlavə korpus tikilir. Bu yaxınlarda mini narkoloji dispanser də tikiləcək, çünki sülhməramlıların komandanlığı biabırçı faktların mediaya sızmasını istəmir. Qarabağdakı rusiyalı sülhməramlıların maaşı sutkada 17 dollar olduğundan, qarabağlı erməni qadınlar arasında onlara "xidmət" göstərənlərin sayının sürətlə artımı ilə yanaşı, Ermənistanın müxtəlif yerlərindən Xankəndinə əxlaqsız erməni qadınların axını müşahidə olunur. Məhz bu səbəbdən Xankəndində icarəyə və ya kirayəyə verilən evlərin sayı artır. Bu mənzillərlə evlərdə erməni qadınlar çalışırlar. Yerli erməni qadınların dediklərinə görə, fahişəlik indi onların yeganə gəlir mənbəyidir. Xankəndindəki erməni taksi sürücüləri isə deyirlər: "Əvvəllər hər şey yaxşı idi. Müharibədən sonra isə vəziyyət çox pisləşib. Tarlalar, bağlar, əkin-biçin hamısı azərbaycanlıların əlindədir. Həmin ərazilər olmadan Xankəndində yaşamaq çətindir. Nə yeyəcəyik, nə içəcəyik - bilinmir. Belə çox yaşamaq olmaz burada". Rusiyalı sülhməramlıların nəzarətindəki əraziləri tərk etmək istəyən qarabağlı ermənilərin sayı isə sürətlə artır. Onlar Ermənistana, oradan da Rusiyaya getmək istəyirlər. Elçin Alıoğlu


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi