Hakimiyyət hakimi cəzalandırıb? Samir Talıbov təkzib edir...
Bu gün səhər tezdən bir çox müxalifət mətbuatı və Azərbaycan hakimiyyətinin sosial şəbəkələrdəki ənənəvi tənqidçiləri sensasion xəbər yaydılar. Demə, bir neçə gün əvvəl Sabunçu Rayon Məhkəməsinin hakimi Samir Talıbov hansısa müxalifətçi, AXCP fəalnın işinə görə cəzalandırılıb.

Bu işdə xüsusilə Zərdab rayonunun keçmiş müstəntiqi, hansısa Rüfət Səfərov seçilib. Sonradan tanınmış müxalifət puritanı Xədicə İsmayılova həmin müstəntiqin səfeh fikirlərini təkrarlayıb.

Ancaq tezliklə Samir Talıbov özü hakimlərin tərkibindən gedişinin adi səbəbini izah edərək müxalifət difiramblarını qınadı və təkzib etdi.

Daha dəqiq desək, S.Talıbov bir müddət əvvəl özünün Facebook səhifəsində Azərbaycan ictimaiyyətinə müraciət edib. Və məlum olur ki, darıxdırıcı müxalifət səfeh müstəntiq puritan İsmayılova ilə birlikdə hakimə möcüzəvi bir abidə ucaldaraq artıq həddlərini aşıb.

S.Talıbov yazıb: “Sosial şəbəkələrdə, xüsusilə müxalifyönümlü düşərgədə barəmdə həqiqətə uyğun olmayan, ucuz sensasiya yaratmaq xətrinə uydurma məlumatlar yayılır. Çirkin siyasi məqsədlər üçün adım hallandırılaraq dövlətimizə, məhkəmə hakimiyyətinə və şəxsiyyətimə kölgə salmağa çalışırlar.

Hüquqşünas olmaq uşaqlıq arzum olub. Uzun illər məhkəmə orqanlarında fəaliyyət göstərəndən sonra özümü hakimlikdə sınamaq istəmişəm. Şəffaf təşkil olunmuş hakim seçkisində iştirak edərək uğur qazanmışam.

Hakim kimi fəaliyyət göstərdiyim ilyarıma yaxın dövrdə bu vəzifənin şərəfli olması ilə yanaşı həddindən artıq çətin və məsuliyyətli olduğunu da dərk etdim.

Təkcə onu deyim ki, ötən il 1500-dən çox işə baxmışdım. Bu böyük iş yükü nəinki həvəs göstərdiyim elmi fəaliyyətlə, heç digər qayğılarımla da məşğul olmağıma imkan vermirdi.

Ona görə götür-qoy edib vəkillik fəaliyyətinə keçib daha sərbəst olmaq və elmi işimi davam etdirmək qərarına gəldim. Ötən ilin axırlarından bu barədə müraciət etdim. Məsələnin reallaşması koronavirus pandemiyası ilə əlaqədar bir az ləngiyirdi. Amma israrlı olduğumdan müraciətimə anlayışla və hörmətlə yanaşıldı və öz arzumla hakimlik səlahiyyətlərimə xitam verildi.

Hər kəsdən adımın hər hansı başqa məqsədlə hallanmasına son qoyulmasını tələb edirəm.

Onu da bildirim ki, hansı sahədə fəaliyyət göstərməyimdən asılı olmayaraq ölkəmizdə möhtərəm Prezidentimizin rəhbərliyi ilə aparılan uğurlu hüquqi islahatlara bir hüquqşünas kimi hər zaman töhfə verməyə hazıram”.