azia.az
azia.az

Samux rayonunda icma əsaslı sosial reabilitasiya mərkəzi açıldı.

20-06-2017, 19:40

Samux rayonunda icma əsaslı sosial reabilitasiya mərkəzi açıldı.


Əmək və Əhalinin Sosial Müdafiəsi Nazirliyinin sifarişi əsasında Samux rayonunda icma əsaslı sosial reabilitasiya mərkəzi açıldı.

İstedadlı Əlillər İctimai Birliyinin mətbuat xidmətindən azia.az-a verilən məlumata görə, Əmək və Əhalinin Sosial Müdafiəsi Nazirliyi tərəfindən elan edilən müsabiqəyə əsasən 2017-cı il büdcə göstəricilərində 01 iyundan 31 dekabr tarixədək müddəti əhatə edən "Sağlamlıq imkanları məhdud uşaqlar üçün icma əsaslı sosial reabilitasiya mərkəzlərinin fəaliyyətinin təşkili” adlı təkrar müsabiqədə İstedadlı Əlillər İctimai Birliyinin layihəsi Samux rayonu üzrə qalib elan olunmuşdur. Layihənin məqsədi 18 yaşadək sağlamlıq imkanları məhdud uşaqlara icma əsaslı reabilitasiya xidmətlərinin göstərilməsindən, ailələri səlahiyyətləndirmək və onların bilik və bacarıqlarını inkişaf etdirilməsindən, 2017-ci il ərzində Samux rayonunda yaşayan sağlamlıq imkanları məhdud uşaqlara reabilitasiya xidmətlərinin göstərilməsindən və valideynlərin İcma Əsaslı Reabilitasiya haqqında məlumatlandırlmasından ibarətdir. Layihə çərçivəsində 18 yaşadək sağlamlıq imkanları məhdud uşaqlara sosial-psixoloji reabilitasiya, abilitasiya, ailəyə dəstək və ailənin maarifləndirilməsi xidmətləri göstəriləcək. Xidmət ümumi olaraq uşaqların ehtiyacı əsasında aşağıdakı sahələri əhatə edəcək.

1. Sosial iş,
2. Gündəlik həyat (funksional) vərdişləri (abilitasiya),
3. Sosial-psixoloji dəstək,
4. Sosiallaşma və ünsiyyət,
5. Koqnitiv bacarıqlar və təhsil,
6. Nitq problemləri,
7. Hərəkət problemləri (fiziki inkişaf).
Mərkəzin fəaliyyətindən yararlanmaq istəyən Samux rayon sakinləri İstedadlə Əlillər İctimai Birliyi ilə əlaqə saxlaya bilər. Əlaqə vasitələri: Tel. 050-999-30-79 E-poçt. istedadlieliller_ib@yahoo.com


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
MƏZƏNNƏ
 Valyuta məzənnəsi