azia.az
azia.az

Fransada azərbaycanlı pianoçunun adına müsabiqə keçiriləcək

4-03-2016, 10:43

Fransada azərbaycanlı pianoçunun adına müsabiqə keçiriləcək 7-12 mart tarixində Fransanın Annemas şəhərində pianoçuların Fransada yaşayan həmyerlimiz Adilə Əliyevanın adına 10-cu beynəlxalq müsabiqəsi keçiriləcək.
Diasporla İş üzrə Dövlət Komitəsindən verilən məlumata görə, A.Əliyevanın rəhbərliyi ilə təşkil olunmuş münsiflər heyətində bəstəkar Rodion Şedrin, "Dofine Libero" qəzetinin baş redaktoru Katrin Ponse, Tokio və Fransanın milli simfonik orkestrinin baş dirijoru Şarl Dyuta, Finlandiya musiqiçisi və tənqidçisi Vesa Siren, “Deutsche Gramophone” səsyazma studiyasının direktoru Mixael Fan, ABŞ-dan olan musiqiçi və tənqidçi Donald Vron və Polşa milli simfonik radio orkestrinin baş direktoru Joanna Vnuk Nazarava yer alır. Müsabiqənin fəxri prezidenti fransalı bəstəkar və dirijor Loran Petijirardır.
Müsabiqənin qalibi üçün 15 000 avro məbləğində pul mükafatı nəzərdə tutulur. Bundan əlavə, müsabiqədə ilk yerləri tutanlara müsabiqə zamanı çəkilmiş kadrların yer aldığı film hədiyyə olunacaq və Parisdəki “Ecole Normale de musique Alfred Cortot”da pulsuz təhsil almaq üçün təqaüd ayrılacaq.
Qeyd edək ki, hər iki ildən bir adına müsabiqə keçirilən Azərbaycanın əməkdar artisti A.Əliyeva Fransa Ali Beynəlxalq Musiqi Akademiyasının direktorudur. Hazırda Fransada yaşayan musiqiçi Bakı şəhərində anadan olub, sonradan Moskvaya köçərək bu şəhərdə Çaykovski adına Konservatoriyanı bitirib. 25 ilə yaxındır ki, Fransada yaşayan A.Əliyeva 50-dən çox ölkənin konsert salonlarında çıxış edib, 30-dan artıq kompakt-disk ərsəyə gətirib.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
MƏZƏNNƏ
 Valyuta məzənnəsi