ABŞ kəşfiyyatı Kremli ittiham edir
ABŞ Milli Kəşfiyyatının direktoru Ceyms Klepper Rusiyanı informasiya müharibəsi aparmaqda ittiham edib. Bu barədə “Associated Press” xəbər verir.
“Moskva informasiya müharibəsində daha aqressiv strategiyaya üstünlük verməkdə davam edir. Bu strategiya, xüsusilə, mühüm infrastruktura zərbə endirməyə və hətta ifşa olunduğu halda belə casusluğu davam etdirməyə əsaslanıb”, deyə Klepper bildirib.
Onun sözlərinə görə, Rusiyanın addımları ABŞ-ın maraqlarına qarşı və Amerika kəşfiyyatının fəaliyyətinin qarşısının alınmasına yönəldilib.