Azərbaycan Milli Məclisinə bu il fevralın 9-a təyin olunan növbədənkənar parlament seçkilərində 112 saylı Qax Seçki Dairəsindən deputatlığa namizədliyi qeydə alınmış, bundan əvvəlki çağırışda dairənin deputatı olmuş Azər Kərimli rayonun gəncləri ilə görüş keçirib.
Modern.az deputatlığa namizəd Azər Kərimlinin seçicilərlə görüşdən fotoları təqdim edir:
Gənclər arasında Azərbaycanı idmanın müxtəlif növləri üzrə dünyada təmsil edənlər də olub. Gənclərə Azərbaycan dövlətinin qayğısından danışan Azər Kərimli, rayonda da gənclər üçün görülən işlərdən danışıb, deputatlıq dövründə gördüyü işlər barədə hesabat verib.
O, eyni zamanda növbəti çağırışda da deputat seçiləcəyi təqdirdə görüləcək işlərdən, müxtəlif layihələrdən danışıb. Azərbaycanda bütün sahələrdə olduğu kimi gənclərlə iş sahəsində də ölkə başçısının böyük diqqətindən bəhs edən A. Kərimli gəncliyi dövlətçilik ətrafında daim daha da sıx olmağa çağırıb.