Hər zaman maraqlı fotosessiyaları ilə gündəm olan müğənni Roza Zərgərli bu dəfə də ənənəsinə sadiq qalıb.

Azia.az xəbər verir ki, sənətçi obyektiv qarşısına keçərək fərqli saç düzümü və geyimdə müxtəlif fotolar çəkdirib.

Müğənninin makiyajı və stili üzərində peşəkarlardan ibarət komanda çalışıb. 42 yaşlı Roza cazibədar fotolarını sosial şəbəkə hesabında yayımlayıb.

O, şəkillərinə “Həyat qəribədir. Qadınlar çox ecazkardır. Hərdən biz qadınlar belə də ola bilirik və bu halım özümün çox xoşuna gəlir. Qadın əslində həyatdır. Onu həyatın özü kimi sevin” sözlərini əlavə edib.

Zərgərlinin cazibədar şəkilləri müzakirələrə səbəb olub. Sosial şəbəkə istifadəçiləri “Sizi tanıya bilmədik” , “Çox gözəl olmusunuz”, “Bu sənsən, Roza?”, “20 yaş cavanlaşmısan” şərhlərini yazaraq Rozanın ünvanına təriflər yağdırıblar.