Azərbaycanda pensiyalar hər il inflyasiya dərəcəsinə görə indeksləşdirilir.

Ötən il (2021) Azərbaycanda inflyasiya dərəcəsi 6.7 faiz (mənbə Mərkəzi Bank-müəll.) təşkil olub. İndeksləşmə isə real ifadədə pensiya məbləğinə uyğun olaraq 6-11 manat aralığında təşkil edib.

Bu il inflyasiya dərəcəsi ötən illə müqayisədə təxminən 2 dəfə çoxdur.

Mərkəzi Bankın məlumatına görə, cari ilin iyul ayı üzrə inflyasiya dərəcəsi 14 faiz təşkil edib. Bu rəqəmin ilin sonuna qədər 18-20 faizə qədər artacağı proqnozlaşdırılır. Bu isə pensiyaların indeksləşməsində daha çox artımın olacağı deməkdir.

Qeyd edək ki, büdcə Milli Məclis tərəfindən qəbul olunur. Milli Məclisin payız sessiyası artıq öz işinə başlayıb. Parlamentin payız sessiyasının ilk iclası sentyabrın sonunda keçirilməsi gözlənilir. 2023-cü il üzrə büdcə zərfi də məhz payız sessiyasında (noyabr ayında) müzakirəyə çıxarılacaq./Cebhe.info