Ermənistandan maraqlı xəbər var. Silahlı Qüvvələrin Baş Qərargah rəisi, müdafiə nazirinin birinci müavini, general-mayor Edvard Asryan ABŞ-ın Ermənistandakı səfirliyinin müvəqqəti işlər vəkili, səfirin müavini Çip Leytinen və səfirliyin hərbi attaşesi, polkovnik Qreqori Pipsi qəbul edib. Bu barədə Ermənistan Müdafiə Nazirliyinin mətbuat xidməti məlumat yayıb.

“Eyni zamanda, Çip Leytinen və Qriqori Pipesin xahişi ilə ER Silahlı Qüvvələrinin Baş Qərargah rəisi Ermənistan-Azərbaycan sərhəd zonasında, Laçın dəhlizində və “Artsax”da (dırnaq işarəsi bizzə aiddir – AYNA) əməliyyat vəziyyəti və son hadisələri təqdim etdi”, - deyə “Novosti-Ermənistan” məlumat verir.

Sərhəd zonası ilə hər şey aydındır - Ermənistan hərbçiləri buna əməl etməlidir. Aydın deyil ki, onlar Laçın dəhlizində və Qarabağda “əməliyyat vəziyyətindən və son hadisələrdən” niyə xəbərdar olmalıdırlar? Əslində bu, Ermənistanın Azərbaycan ərazisində qanunsuz hərbi mövcudluğunun daha bir sübutudur. Və Ermənistanın Baş Qərargah rəisi bu məlumatı tabeliyində olanlardan deyilsə, daha kimdən götürə bilər?

Amerikalıların niyə Edvard Asryanı bu hesabla şəxsən “dindirmək” qərarına gəldiyi də maraqlıdır. Bu, erməni hərbçilərinin Rusiya sülhməramlılarının müvəqqəti məsuliyyət zonasında baş verənlərin reallıqlarına nə dərəcədə qərq olduğunu öyrənmək məqsədi daşımırmı?

Yəni belə çıxır ki, amerikalılar 44 günlük müharibədən təxminən 2 il sonra Ermənistan qoşunlarının Azərbaycan ərazisində qeyri-qanuni mövcudluğunun nə qədər böyük olması ilə maraqlanırlar. Maraqlıdır, ABŞ üçün bu, nəyə lazım ola bilər, onlar bu məlumatdan necə istifadə edə bilərlər? DİA.AZ xəbər verir ki, mövzunu AYNA-ya hərbi ekspert, Azərbaycan Respublikası Müdafiə Nazirliyinin İnformasiya və Analitik İdarəsinin sabiq əməkdaşı Azad İsazadə şərh edib:

“Belə hadisələri hərbi attaşelərin işinin tərkib hissəsi kimi qəbul etmək lazımdır. Həmişə belə rol oynayırlar, bəzən səfirlər də belə məsələlərə qarışırlar. Bu, Bakıda da baş verir.

Bunun niyə edildiyini izah etməyə çalışacağam. Aydındır ki, nə ABŞ, nə də digər ölkələr yalnız qarşı tərəflərdən birinin Baş Qərargahında dediklərinə tam etibar edə bilər.

Onlar bu məlumatları iki dəfə yoxlayırlar, onları öz peyklərindən aldıqları məlumatlarla müqayisə edir və eyni zamanda həmsöhbətlərinin nə dərəcədə dürüst və obyektiv olduqlarını, hansısa yolla baxılan sahədə öz mövqelərini bəzəyib-düzəmədiyini öyrənirlər. Bu, yarı qapalı diplomatik mənbələrdən məlumat (kəşfiyyat deməyəcəyəm) toplamaq cəhdidir.

Üstəlik, istisna etmirəm ki, erməni tərəfi, onların Müdafiə Nazirliyinin mətbuat xidməti bilərəkdən amerikalı diplomatlarla görüşü qeyri-adi bir şey kimi təqdim edib və dəhlizdə və Qarabağda baş verənlər, Laçındakı vəziyyət barədə onların özlərinin dolğun məlumata malik olduqlarına eyham vurublar.

Təbii ki, erməni tərəfi bu görüş zamanı “Artsax” sözünü işlətdi və Amerika tərəfi, məncə, bu ifadədən yayındı. Maraqlıdır ki, ermənilər bu görüşlə bağlı məlumatları son dərəcə əhəmiyyətli bir şey kimi təqdim edirlər.

Amma reallıqda hesab edirəm ki, belə bir şey baş verir - ABŞ ATƏT-in Minsk Qrupunun yarımçıq həmsədri kimi hadisələrdən xəbərdar olmaq istəyir və vaxtaşırı regiondakı vəziyyəti öyrənir, onu ABŞ-ın Azərbaycandakı hərbi attaşesinin məlumatları ilə müqayisə edərək, mövcud vəziyyətin real şəklini almaq istəyirlər. Onlar baş verənlər haqqında daha obyektiv təsəvvür əldə etmək üçün bütün bu məlumatları müqayisə edirlər”.