azia.az
azia.az

Qarabağda mümkün iğtişaşlarla bağlı ANONS – “İndidən hazır olmaq lazımdır”

16-04-2022, 15:09

Qarabağda mümkün iğtişaşlarla bağlı ANONS – “İndidən hazır olmaq lazımdır”
"Basqı altında olan Paşinyan Azərbaycan ordusunun Ermənistan ordusundan güclü olduğunu başa düşür və Azərbaycanın hər an bütün Qarabağ bölgəsində hərbi əməliyyatlar keçirəcəyini anlayır”.

Azia.az xəbər verir ki, bu fikirləri Azərbaycan və Ermənistan arasında münasibətlərin normallaşmasını şərh edən rusiyalı politoloq Sergey Markov bildirib.
Politoloq qeyd edir ki, Paşinyanın sülh müqaviləsinin bağlanmasına müsbət yanaşması, Azərbaycanın ərazi bütövlüyünü tanıması revanşist qüvvələrin aktivləşməsinə səbəb olacaq.

"Azərbaycanın güclü ordusu olduğunu anlayan Nikol Paşinyan Qarabağın Azərbaycanın ərazisi olduğunu qəbul etmək məcburiyyətindədir. Paşinyanın Qarabağın Azərbaycana məxsus olmasını qəbul etməsi isə Ermənistandakı revanşist qüvvələrin böyük etirazına səbəb olub. Mən düşünürəm ki, Ermənistandakı revanşist qüvvələr Paşinyana qarşı yaxın zamanlarda mitinqlərə başlayacaqlar və həmçinin bu, Qarabağda bir sıra iğtişaşlara da səbəb ola biləcək. Buna görə də əlaqələrin pozulmasına yönələn bu tip iğtişaşlara qarşı indidən hazır olmaq lazımdır.

Həmçinin bundan başqa Paşinyan nəinki Qarabağın Azərbaycanın tərkib hissəsi olduğunu dərk edir, o, həmçinin Türkiyə ilə əlaqələr üzərində də ciddi işləyir.
Buna görə də bu antitürk partiyalarını möhkəm qıcıqlandırmaqdadır. İstər Ermənistanın daxilində, istərsə də diasporada böyük narazılıqlar yaranmaqdadır. Buna görə də diaspor tərəfindən də güclü hücumları gözləmk mümkündür”, - deyə S.Markov əlavə edib. /Bizim.Media


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi