azia.az
azia.az

Elmar Məmmədyarov Çexiyada bir sıra görüşlər keçirib

5-05-2016, 11:26

Elmar Məmmədyarov Çexiyada bir sıra görüşlər keçirib Vışeqrad Qrupu və Şərq Tərəfdaşlığı ölkələrinin xarici işlər nazirlərinin Praqada keçirilmiş toplantısında iştirak etmək məqsədilə Çexiyaya səfər edən xarici işlər naziri Elmar Məmmədyarov orada bir sıra görüşlər keçirib.
Xarici İşlər Nazirliyinin mətbuat xidmətindən bildirilib ki, E. Məmmədyarov Vışeqrad Qrupu və Şərq Tərəfdaşlığı ölkələrinin xarici işlər nazirlərinin toplantısında çıxış edib. Nazir Şərq tərəfdaşlığı çərçivəsində Avropa İttifaqı və Azərbaycan arasındakı münasibətlər haqqında söhbət açıb, Vişeqrad Qrupu ilə əməkdaşlıq məsələlərinin əhəmiyyətinə toxunub. Aİ üzv ölkələri arasında strateji tərəfdaşların sayının artmasının Azərbaycanı eyni şərtlər altında Aİ ilə dialoqu inkişaf etdirməyə ruhlandırdığı qeyd olunub. Azərbaycanın Riqa Şərq Tərəfdaşlığı sammitində Aİ-Azərbaycan Strateji Tərəfdaşlıq Saziş layihəsini təqdim etdiyi, bu sazişin ikitərəfli əlaqələri keyfiyyətcə yeni strateji tərəfdaşlıq səviyyəsinə qaldıracağı və Aİ-Azərbaycan əməkdaşlığının gələcəyi üçün daha yaxşı platforma rolunu oynayacağı vurğulanıb.
E. Məmmədyarov tədbir çərçivəsində Çexiya, Macarıstan, Gürcüstan, Moldova, Belarus xarici işlər nazirləri, habelə İsveçin dövlət naziri və Niderland Krallığının xarici işlər nazirinin müavini ilə ikitərəfli görüşlər keçirib. E.Məmmədyarovun keçirdiyi görüşlər ərzində Ermənistan-Azərbaycan münaqişəsi, regional təhlükəsizlik məsələləri, Azərbaycan-Avropa İttifaqı arasındakı əməkdaşlıq münasibətlərinin müxtəlif aspektləri müzakirə edilib. Çexiya və Macarıstan xarici siyasət orqanlarının rəhbərləri Aİ-Azərbaycan Strateji Tərəfdaşlıq Saziş layihəsini dəstəklədiklərini və ölkəmizi Vışeqrad Qrupu və Şərq Tərəfdaşlığı platforması çərçivəsində dəstəkləməyə hazır olduqlarını qeyd ediblər.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Avqust 2022    »
BeÇaÇCaCŞB
1234567
891011121314
15161718192021
22232425262728
293031 
MƏZƏNNƏ
 Valyuta məzənnəsi