Qaynarinfo-nun "ScienceAlert” nəşri istinadən məlumatına görə, aktyor bildirib ki, heç vaxt pis əhval-ruhiyyədə oyanmır. Alimlərin fikrincə, həyata bu cür müsbət yanaşma həqiqətən də ömrün uzanmasına kömək edə bilər.

 

Səhiyyə sahəsində tədqiqatçı Colanta Berk bildirib ki, çoxsaylı elmi araşdırmalar müsbət əhval-ruhiyyə və nikbinliyi daha uzun ömürlə əlaqələndirir.

Belə ki, hələ 1930-cu illərdə başlanmış ən məşhur tədqiqatlardan biri göstərib ki, gənclik dövründə daha çox müsbət emosiyalar nümayiş etdirən qadınlar daha az nikbin olan qadınlarla müqayisədə orta hesabla 10 il daha uzun yaşayıblar.

Bundan əlavə, 2019-cu ildə dərc edilmiş araşdırma nikbinliyin ömür uzunluğunun təxminən 15 faiz artması ilə əlaqəli olduğunu göstərib. Alimlər həmçinin müəyyən ediblər ki, nikbin insanlar 85 və daha yuxarı yaşa çatmağa daha çox meyllidirlər.

Tədqiqatçılar bu təsirin mexanizmini hələ də tam izah edə bilməsələr də, ehtimal edirlər ki, nikbinlik stressin öhdəsindən daha asan gəlməyə kömək edir, sosial əlaqələri möhkəmləndirir və insanı daha sağlam həyat tərzi sürməyə təşviq edir.

1938-ci ildən davam edən digər genişmiqyaslı araşdırma isə göstərib ki, xoşbəxt və uzun ömrün ən vacib amillərindən biri ailə üzvləri və dostlarla möhkəm münasibətlərdir.

Alimlərin məlumatına görə, orta yaş dövründə sosial çevrəsindən daha çox razı qalan insanlar 80 yaşına çatdıqda sağlamlıqlarını daha yaxşı qoruyur, ağır xəstəliklərlə daha az üzləşir və xəstəliklərdən daha tez sağalırlar.

Mütəxəssislər hesab edirlər ki, irsiyyət ömür uzunluğuna təsir göstərsə də, həlledici amil deyil. Bəzi hesablamalara görə, uzunömürlülüyün təxminən 30 faizi genetika ilə bağlıdır, qalan 70 faiz isə qidalanma, fiziki aktivlik, stress səviyyəsi və psixoloji vəziyyət də daxil olmaqla həyat tərzindən asılıdır.

Araşdırmalar həmçinin göstərib ki, 50 yaşdan yuxarı həyat məqsədi aydın olan insanlar fiziki və psixi sağlamlıq baxımından daha yaxşı göstəricilərə malik olurlar.

Beləliklə, elmi tədqiqatlar göstərir ki, müsbət əhval-ruhiyyə, aktiv həyat tərzi, güclü sosial əlaqələr və həyatda məqsəd hissi sağlam qocalmanı dəstəkləyir və uzunömürlülük ehtimalını artırır.