2018-ci ildə Azərbaycanda prezident seçkiləri keçiriləcək.
Bəs bununla bağlı Seçki Məcəlləsinə hər hansı bir dəyişikliyin edilməsi gözlənilir?

Məsələ ilə bağlı Milli Məclisin İctimai birliklər və dini qurumlar komitəsinin sədri, Yeni Azərbaycan Partiyasının icra katibinin müavini Siyavuş Novruzov Modern.az-a açıqlama verib.

Deputat bildirib ki, hazırki qüvvədə olan Seçki Məcəlləsi ilə çoxlu seçkilər keçirilib.
“Mən düşünürəm ki, ona görə hər hansı bir dəyişikliyə ehtiyac yoxdur. 2018-ci ildə keçiriləcək prezident seçkilərinə isə çox vaxt var”.

Komitə sədri qeyd edib ki, əgər hansısa bir dəyişikliyin edilməsinə ehtiyac olarsa, buna baxılacaq.

“Amma bu gün Seçki Məcəlləsinə hər hansı bir dəyişikliyin və ya əlavənin edilməsinə zərurət yoxdur”.