ABŞ rəhbərliyi Venesuelanın neft sektoruna mümkün sanksiyalar tətbiq edə bilər.

Axar.az xəbər verir ki, bu haqda Ağ Evin adı gizli saxlanılan rəsmisi məlumat verib.

Məlumatda bildirilir ki, sanksiyalar tətbiq edilsə. Venesueladan neft idxalı və PDVSA şirkətinin ABŞ-da fəaliyyəti tamamilə qadağan ediləcək:

"Bunun üçün Trampın köməkçilərinə təkliflər haqda tapşırıqlar verilib. Həmçinin ABŞ hökuməti Venesuelanın bir sıra yüksək səlahiyyətli rəsmilərinə korrupsiya, qanunsuz narkotik dövriyyəsi və siyasi repressiyalar səbəbindən sanksiyalar tətbiq edə bilər".

Qeyd edək ki, hazırda Venesuela ciddi iqtisadi və siyasi böhran yaşayır. Artıq neçə aydır ölkədə Madura hakimiyyətinə qarşı kütləvi nümayişlər keçirilir.