"Ukrayna məqsədinə çatmaq üçün gözlənilən üstünlüyü əldə edib".

Bunu Azia.az-a açıqlamasında Ukrayna Siyasi Elmlər Akademiyasının üzvü, professor Petro Mironenko deyib.

Siyasi şərhçi bildirib ki, müharibədə Rusiyaya yardım edən bütün dövlətlərə qarşı sanksiyalar tətbiq edilməlidir:

"Həftənin sonunda mən müharibədə Ukraynanın xeyrinə dönüş nöqtəsini gözləyirəm. Rusiya ancaq dinc əhaliyə qarşı mübarizə apara və qadınları zorlaya bilər. Müharibənin "Peter və Paul bayramı"ndan əvvəl, 12 iyul 2022-ci ilə qədər bitəcəyini proqnozlaşdırıram.

Bunun üçün də tez bir zamanda ABŞ və müttəfiqləri Ukraynanı uzaqmənzilli hücum silahları ilə təmin etməli və Rusiyaya, eləcə də Rusiyaya kömək edənlərə qarşı sərt sanksiyalar tətbiq etməlidir.

Rusiya ilə Ukrayna arasında müharibənin ikinci mərhələsi başlayıb. Rusiya müharibəni bitirmək qərarına təsir edəcək daxili proseslərə start verib. Rusiyada hökümət dəyişməlidir, əks təqdirdə bu aqresiya, gərginlik, nifrət uzun zaman səngiyəcək kimi görünmür".