İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin təşəbbüsü ilə “İstehlakçı hüquqlarının müdafiə mexanizmləri” mövzusu hakimliyə namizədlərin tədris proqramına daxil edilib.
Ədliyyə Nazirliyinin Ədliyyə Akademiyasının təşkil etdiyi hakimliyə namizədlərin ilkin uzunmüddətli hazırlıq kursu proqramında qeyd olunan mövzu üzrə Dövlət Xidmətinin nümayəndələri tərəfindən ilk onlayn mühazirə keçirilib.
Tədris zamanı hakimliyə namizədlərə Xidmətin fəaliyyət istiqamətləri, istehlakçı anlayışı, istehlakçıların əsas hüquq və vəzifələri barədə məlumat verilib. Bununla yanaşı, malın və ya xidmətin qüsurlu olduğu hallarda istehlakçıların hüquqları, istehlakçıların hüquqlarının pozulmasına görə məsuliyyət tədbirləri, istehlakçı hüquqlarının müvafiq inzibati orqanlar tərəfindən müdafiəsi və istehlakçı hüquqlarının məhkəmə müdafiəsinin hədləri ilə bağlı məsələlər hakimliyə namizədlərin diqqətinə çatdırılıb.
Namizədlərlə həmçinin, istehlakçı hüquqlarının müdafiəsi ilə bağlı mövcud təcrübə və məhkəmə aktları əsasında müzakirələr aparılıb, suallar cavablandırılıb.