İspaniyanın "Barselona" komandasının hücumçusu Lionel Messi Yaponiyanın televiziya şousunda iştirak edib.
Bu barədə "101 Great Goals" saytına istinadən xəbər verir.
Şouda iştirak zamanı L.Messi nəhəng robot-qapıçı tərəfindən qorunan darvazalara top vurmalı idi. "Qapıçının" ölçüləri demək olar ki, darvazanı tamam əhatə edirdi və o "əlləri" ilə də hərəkət edirdi.
Argentina əsilli hücumçu vəzifəsinin öhdəsindən asanlıqla gəldi və 3 verilmiş imkan nəticəsində üç qol vurdu.
Bu ilki futbol mövsümündə 28 yaşlı L.Messi 30 oyun ərzində 25 qol vurub.
L.Messi futbol tarixində yeganə oyunçudur ki, "Qızıl top"un (ilin ən yaxşı futbolçusuna verilir) beşqat sahibi olub.