azia.az
azia.az

Təhlükə davam edir: 346 kq "xəstə" banan satışdan çıxarıldı

15-02-2016, 15:11

Təhlükə davam edir: 346 kq "xəstə" banan satışdan çıxarıldı Fevral ayı ərzində ümumilikdə 9388 kiloqramdan çox meyvə-tərəvəz məhsulu məhv edilib

Azərbaycanda ümumilikdə 9388 kiloqramdan çox meyvə-tərəvəz məhsulu satışdan çıxarılaraq məhv edilib.
Kənd Təsərrüfatı Nazirliyi yanında Dövlət Fitosanitar Nəzarəti Xidmətininin mətbuat katibi Rövşən Ziyanın verdiyi məlumata görə, fevral ayında Bakı şəhərində, eyni zamanda respublikanın bütün bölgələrindəki kənd təsərrüfatı məhsullarının topdan və pərakəndə satış yerlərində aparılan fitosanitar monitorinqlər nəticəsində məhv edilən məhsullar arasında alma (2377 kq), armud (58 kq), heyva (32 kq), nar (79 kq), üzüm (101 kq), sitrus (571 kq), xirnik-xurma (89 kq), kartof (3518 kq), kələm (217 kq), kök (157 kq), soğan (698 kq) və pomidor (114 kq) üstünlük təşkil edib.
Bundan başqa, monitorinqlər zamanı istifadəyə yararsız 346 kiloqramdan çox banan meyvəsi satışdan çıxarılaraq məhv edilib. Araşdırma nəticəsində məlum olub ki, məhsulların saxlanılması və qablaşdırılması zamanı müvafiq qaydalara əməl olunmadığı üçün məhsullar qısa müddət ərzində istifadəyə yararsız vəziyyətə düşür və xəstəliklərə yoluxur.
Xidmətdən bildirilib ki, hazırda istehlak bazarlarında bütün meyvə və tərəvəz məhsulları ciddi yoxlanılır, məhsullardan götürülmüş nümunələr Dövlət Fitosanitar Nəzarəti Xidmətinin Respublika Karantin Ekspertiza Mərkəzinə və Respublika Toksikologiya Keyfiyyətə Nəzarət Mərkəzinə təqdim edilir və müvafiq analizlər aparılır. Əgər analizlər zamanı məhsulun istehlak üçün yararsız olduğu aşkar edilərsə, dərhal satışdan çıxarılaraq məhv edilir.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30 
MƏZƏNNƏ
 Valyuta məzənnəsi