azia.az
azia.az

Müdafiə Nazirliyi və Hərbi Prokurorluğun nümayəndələri cəbhə bölgəsində

19-03-2016, 12:57

Müdafiə Nazirliyi və Hərbi Prokurorluğun nümayəndələri cəbhə bölgəsində Müdafiə Nazirliyinin və Respublika Hərbi Prokurorluğunun 2016-cı ilə dair birgə tədbirlər planına əsasən, hər iki qurumun məsul əməkdaşları Novruz bayramı ərəfəsində cəbhəboyu zonada yerləşən hərbi hissələrdə olublar.

Lent.az-ın Müdafiə Nazirliyinin saytına istinadən məlumatına görə, onlar birlik, birləşmə və hərbi hissələrdə müxtəlif kateqoriyalardan olan hərbi qulluqçular, o cümlədən bilavasitə ön xətdə yerləşən hərbi hissələrin şəxsi heyəti ilə görüşlər keçiriblər.

Görüşlərdə şəxsi heyətin vətənpərvərlik ruhunda tərbiyə olunması, hərbi intizamın və hüquq qaydalarının möhkəmləndirilməsi, ordu quruculuğuna mənfi təsir edə biləcək cinayət hadisələrinin təhlili və nəticələrindən asılı olaraq müvafiq tədbirlərin görülməsi, o cümlədən digər məsələlər barədə maarifləndirici söhbətlər aparılıb. Nazirliyin və prokurorluğun nümayəndələri hərbi hissələrdə xidməti və məişət şəraiti ilə də yaxından tanış olublar.

Bildirilib ki, belə tədbirlərin keçirilməsi nəticəsində ötən illərə nisbətən Silahlı Qüvvələrdə qeydə alınmış cinayətlərin sayı əhəmiyyətli dərəcədə azalıb. Vəziyyətin daha da yaxşılaşdırılması məqsədilə hərbi kollektivlərdə dostluq, qardaşlıq mühitinin formalaşdırılmasının, qarşılıqlı sağlam və işgüzar münasibətlərin nizamnamələr çərçivəsində qurulmasının vacibliyi xüsusi vurğulanıb.

Yerli icra strukturları, ictimaiyyətin nümayəndələri, rayon fəalları, veteranlar və valideynlərin də iştirakı ilə keçirilən tədbirlər şəxsi heyətə bayram sovqatlarının çatdırılması və konsert proqramları ilə yekunlaşıb.

Müdafiə Nazirliyi və Hərbi Prokurorluğun nümayəndələri cəbhə bölgəsində
Müdafiə Nazirliyi və Hərbi Prokurorluğun nümayəndələri cəbhə bölgəsində
Müdafiə Nazirliyi və Hərbi Prokurorluğun nümayəndələri cəbhə bölgəsində


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
MƏZƏNNƏ
 Valyuta məzənnəsi