Türkiyədə 4 ölkənin - Türkiyə, Azərbaycan, Bolqarıstan və Gürcüstanın iştirakı ilə keçirilən "Commando Ex 2016” hərbi təlimlərinin görüntüləri yayılıb.

Bakunews.az BAKU.WS-ə istinadən xəbər verir ki, ümumilikdə 136 hərbçinin i.tirak etdiyi təlimlərdə çətin və təhlükəli tapşırıqlar yerinə yetirilib. "Commando Ex 2016”nın ssenarisinə əsasən, hərbçilərə Birləşmiş Millətlər Təşkilatının (BMT) nəzarətindəki hava limanını "terrorçular"dan azad etmək tapşırılıb. Onlar tapşırığı yerinə yetirərkən ilan və qurbağa yeyib, suyun altındakı labirint maneəni aşıb, qayıqlarla sahilə çıxma hərəkətlərini yerinə yetiriblər. Daha sonra sudan çıxan komanda qurudakı şərti düşməni məhv ediblər. Daha sonra əməliyyat havadan davam etdiorilib. Helikopterlərdə olan komandolar şərti terrorçuların obyektlərini məhv etdikdən sonra yenidən quruya enərək terrorçuları bir-bir zərərsizləşdiriblər. Uğurla həyata keçirilən əməliyyatların sonunda hava limanının təhlükəsizliyi tam təmin edilib. Tətbiqat zamanı 15 metr yüksəklikdən içərisində ilan və qurbağaların olduğu suya dik vəziyyətdə tullanan təlimçilər daha sonra 78 metr hündürlüyü olan qülləyə dırmanıb bir neçə saniyə ərzində oradan enmə fəaliyyətini də həyata keçiriblər. Təlimlərə Türkiyədən 66, Azərbaycandan 30, Bolqarıstandan 21, Gürcüstandan 19 hərbçi qatılıb. 6 iyunda başlayan və sabah sona çatacaq təlimlər İsparta rayonu və onun Eyirdir kəndində keçirilir.