Milli Məclisə seçkilərdə 68 saylı Cəlilabad kənd seçki dairəsindən deputatlığa namizəd Əfqan Bəhlul oğlu Quliyev təbliğat-təşviqat kampaniyası uğurla davam edir. Növbəti görüş 29.01.2020-ci il tarixində Cəlilabad rayonunun Uzuntəpə kəndində seçicilər ilə baş tutdu. Deputatlığa namizəd Əfqan Quliyev öz platforması ilə seçiciləri tanış etdi və görəcəyi işlərlə bağlı seçiciləri məlumatlandırdı. Görüş zamanı seçicilər narahat edən problemləri dinləyən Əfqan Quliyev, ona etimad göstəriləcəyi təqdirdə onları narahat edən problemləri aidiyyatı təşkilatların qarşısında qaldıracağını və həllinə nail olacağını bildirdi. Çıxış edənlər 9 fevral 2020-ci il parlament seçkilərində Əfqan Quliyevə səs verəcəklərini bildirdilər.