Rusiya ilə Ukrayna arasında fevralın 24-də başlayan müharibə  davam edərkən, dünyanı narahat edən yeni bir müharibə ehtimalı ortaya çıxdı.

Oxu24.com xəbər  verir  ki,Rusiya mətbuatında İsrail və ABŞ-ın birgə manevri ilə bağlı dərc olunan xəbərə görə, iki ölkənin hədəfi İrandır.

Rusiyanın  "Russia Today " media mərkəzi ABŞ və İsrailin hədəf aldığı ölkənin İran olduğunu açıqlayıb.

RT-nin “İsrail və ABŞ İrana qarşı hücumları simulyasiya edən təlimlər keçirir” başlıqlı xəbərdə bu  “Təlimlər İsrail ordusunun rəhbərinin Vaşinqtonu Tehrana gələcək hücuma hazırlaşmağa çağırmasından sonra keçirilib” deyə qeyd olunub.

İsrail Müdafiə Qüvvələri (IDF) təlim çərçivəsində regional təhlükələrə qarşı müxtəlif ssenarilərin həyata keçirildiyini açıqlayıb.

Eyni bəyanatda aşağıdakı ifadələr yer alıb“Bu təlimlər Yaxın Şərqdə, xüsusən də İrandan qaynaqlanan ümumi narahatlıqlara cavab olaraq iki ordunun strateji əməkdaşlığının mühüm tərkib hissəsidir”.

İsrail mediası daha əvvəl İsrail Hərbi Hava Qüvvələrinin onu yanacaq doldurmağa ehtiyac olmadan İrandakı hədəfləri vurmaq və geri qaytarmaq üçün inkişaf etdirdiyini irəli sürmüşdü. Ancaq son təlimdə yanacaqla işləyən təyyarələrin istifadəsi bu iddianı zəiflətdi. Sözügedən xəbərdə F-35 təyyarəsinin istifadə etdiyi sursata yeni 1000 kiloqramlıq raketin də əlavə edildiyinə dair məlumatlar da var idi.