Ermənistan müxalifəti Zatulinin müdafiəsinə qalxdı: “Paşinyan Bakı və Ankaranın sifarişini yerinə yetirir”

Ermənistanın hazırkı hakimiyyəti Bakı və Ankaranın maraqlarından çıxış edərək anti-erməni və anti-Qarabağ siyasətini davam etdirir.

Xəbər verilir ki, bu cümlə müxalifətdə olan ruspərəst “Ermənistan” bloku bəyanatında yer alıb.

“Təsadüfi deyil ki, bu hakimiyyətin hədəfi illərdir Türkiyə və Azərbaycan tərəfindən tənqid olunan, sosial, peşəkar və ya siyasi fəaliyyətləri Ermənistanın, “DQR”in (separatçı, qondarma rejim nəzərdə tutulur-red.) və erməni xalqının maraqlarını qoruyan insanlardır...

Hakimiyyətin bu addımı Bakı və Ankaranın tələblərini təmin etmək, digər tərəfdən Ermənistanla Rusiya arasında dostluq, müttəfiqlik münasibətlərinə xələl gətirmək məqsədi daşıyır”,-deyə sənəddə bildirilir. /musavat.com