“Bakı ilə bağlanacaq müqavilə sülh deyil, köləlik olacaq”.

KONKRET.az xəbər verir ki, bunu Ermənistanın Hollandiyadakı keçmiş səfiri, diplomat Dzyunik Ağacanyan erməni mediasına müsahibəsində deyib. müsahibəsində belə deyib.


“Heç kim Qarabağ ermənilərini öz vətənlərindən qovulmağa və intihara razılaşmağa məcbur edə bilməz. Bu, hakimiyyət orqanlarının Bakının mülahizəsinə uyğun olaraq Qarabağın qeyri-müəyyən statusla Azərbaycana verilməsinə razılıq verəcəyi təqdirdə mümkün olacaq.

Bu ssenaridə ermənilərin bir hissəsinin öz vətənlərindən qovulması bir neçə ayın məsələsi olacaq.

Bilmirəm, ictimaiyyət bundan xəbərdardır, ya yox, amma bu qaçılmazdır. Ermənistan hakimiyyətinin erməni xalqının bir hissəsini öz əlləri ilə soyqırıma məruz qoyacaq.

Prioritet məsələ Qarabağın təhlükəsizliyi və problemi ilə bağlı təhdidlər və çağırışlardır. Amma bu istiqamətdə hər hansı kəskin ermənipərəst addımlar atıldığını görmədim. Bu mənada biz ciddi problemlərlə üzləşmişik”,- deyə Ağacanyan sərsəm fikirlər bildirib.

O, Azərbaycan və Ermənistan arasında bağlanacaq sülh müqaviləsindən danışıb:

“İstənilən müqavilə, xüsusən də sülh müqaviləsi illərlə hazırlanır.

Mən konfliktoloq olduğum üçün xatırlamıram ki, hər hansı bir sülh müqaviləsi bir ay ərzində rəsmi orqanlar tərəfindən tərtib edilib qəbul edilsin və qanuni, legitim və xalq üçün məqbul sayılsın. Bu baxımdan, bu, sadəcə olaraq, absurddur. Bu ola bilməz.

Xüsusilə düşməndən gələn təhdidləri nəzərə alaraq qeyri-real və qeyri-maddi sülh naminə ölkə ərazilərini heç kimə təslim etmirlər. Bu sülh deyil, köləlik, vətəndən, dövlətdən məhrum olmaqdır. Nəticədə hakimiyyət və onlara dəstək verən siyasi birliklər faktiki olaraq erməni soyqırımının həyata keçirilməsində özbaşına iştirakçıya çevrilirlər.

Qarabağın heç vaxt tanınmaması və tanınma şansının olmadığı fikri absurddur. Qarabağın konkret olaraq necə tanınacağı məsələsini də Qarabağ xalqı müəyyən etməlidir. Bu, mütləq həqiqətdir”, – deyə keçmiş səfir çərənləyib.

Diplomat Ermənistan hakimiyyətinin davranışında institusional və peşəkar nöqteyi-nəzərdən baş vermiş dövlət strukturlarını qeyri-mütəşəkkilləşdirmək istəyini görürdü.