Əməkdar artist Röya Ayxan sahibi olduğu moda evinin açılış mərasiminə hazırlaşır.
Müğənni bildirib ki, bu münasibətlə Bakıya tanınmış modeli gətirəcək: “Çoxdandır düşünürəm ki, moda evimin açılışını edim. Açılışda bizim moda evimizin hazırladığı geyimlər təqdim olunsun. Tanınmış bir modeli də həmin gün üçün Azərbaycana dəvət edəcəm. Modelyer Səbinəyə iş qurmaq təklifi etdim. Çalışqan insanları sevirəm. Mağazalara gedib, paltar axtarmağa vaxtım yoxdur. Həm də hər şey bahalıdır. Ölkəmiz də çox bahalıdır. İki gün əvvəl dedim ki, cins korset, rahat palto istəyirəm. Bu gün hazır oldu. Elə indi geyindiyim geyim də həmin modalar evindəndir”.
R.Ayxan daha sonra çəki verməsindən də danışıb: “Məni görənlər deyirlər ki, xeyli arıqlamısan. Amma arıqlamamışam. İndi 50 kiloyam. Bundan da artıq arıqlamağımı gözləməyin. Kökəlmək üçün idmana başlamışam. Camaat arıqlamaq üçün idmana gedir, mənsə kökəlmək üçün”.