"Ötən il beynəlxalıq əlaqələrimiz daha da inkişaf edib. 2016-cı idə Azərbaycana 20-ə yaxın dövlət və hökumət başçısı səfər edib. Beynəlxalq təşkilatlarla əlaqələr genişlənib. Azərbaycan torpaqlarının işğaldan azad olunması və BMT Təhlükəsizlik Şurasının 4 qətnaməsinin yerinə yetirilməsi ilə bağlı Azərbaycanın mövqeyi dəyişməzdir"

Bunu Azərbaycan Prezidenti İlham Əliyev Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında deyib.

Dövlət başçısı bildirib ki, 2016-cı ilin aprelində təmas xəttində baş verən döyüşlərdə Azərbaycanın əks-hücum əməliyyatı nəticəsində ordsumuz düşmənə sarsıdıcı zərəbələr vurdu, minlərlə hektar torpaq işğaldan azad olunub: "Aprel döyüşləri bizim parlaq qələbəmizdir, Azərbaycan dövlətinin gücünü göstərir. Bu döyüşlər göstərid ki, biz heç vaxt bu vəziyyətlə barışmıayacağıq, bütün təxribatlara layiqli cavab verəcəyik. Eyni zamanda, illər boyu Ermənistan tərəfindən yaradılmış mif tamamilə darmadağın edildi. Onlar özləri etiraf edirlər ki, xarici yardım olmazsa, bir həftə qarşımızda dura bilməzlər".