Maskası burnunu örtmədiyi üçün saxlanılan qadına qarşı polis şiddəti sosial şəbəkələrdə böyük müzakirələrə səbəb olub.

“Azia.Az”ın məlumatına görə, hadisə Türkiyənin İstanbul şəhərində yaşanıb.

Zərərçəkən Rəna adlı qadının sözlərinə görə, polislərin özləri maskasız olublar.

“Bunu deyib etiraz etdiyim üçün məni polis şöbəsinə aparmaq istədilər. Rədd etdim və ordan uzaqlaşmaq istəyərkən arxadan məni yaxaladılar”, - deyə qadın bildirib.

Son məlumatlara görə, hər iki polis vəzifələrindən uzaqlaşdırılıb.