Rəsmi Moskva Tehran və Vaşinqtonu aradakı gərginliyi dialoq yolu ilə həll etməyə çağırır.TASS-ın məlumatına görə, bunu Rusiyanın Xarici İşlər naziri Sergey Lavrov jurnalistlərə açıqlamasında deyib.“Biz amerikalı və iranlı həmkarlarımızı inandırmağa çalışacağıq ki, bu təhlükəli cizgidən uzaq dursunlar və ziddiyyəti sivil dialoq yolu ilə həll etsinlər. Əlbəttə, bu, ultimatum siyasətini, sanksiya və şantajı dayandırmağı tələb edir”, – deyə XİN rəhbəri bildirib.Nazir onu da vurğulayıb ki, İran ətrafında mümkün hərbi ssenari fəlakət və beynəlxalq böhranla nəticələnər.Xatırladaq ki, İran Silahlı Qüvvələrinin Oman körfəzində ABŞ-a məxsus pilotsuz uçuş aparatını vurması regionda vəziyyəti daha da gərginləşdirib.