Rusiyada məşhurlaşan azərbaycanlı rəqqasə Elina Məmmədova ilk dəfə Vətənəninə ayaq basıb.

BAKU.WS xəbər verir ki, o, həmişə Azərbaycanda olmağı arzulayıb. Bu dəfə isə valideynləri Elinaya doğum günü sürprizi edərək onun Bakıya səfərini təşkil ediblər.
Onunla birlikdə Bakıya böyük bacısı da gəlib. Bacılar İşərişəhərdə rəqs edərək bakılıları təəccübləndirməyə çalışıblar.

Qeyd edək ki, Elina Məmmədova ailəsi ilə birlikdə Rusiyada yaşayır. O, 5 yaşından Hindistanın milli rəqslərini ifa etməyə başlayıb.

Elina Rusiyanın televiziya uşaq istedad şousu olan “Hamıdan yaxşı”da (“Лучше всех”) çıxış edərək geniş auditoriyaya özünün rəqs qabiliyyətlərini nümayiş etdirib.