azia.az
azia.az

Qalib Salahzadə məhkəməyə gəlmədi

7-10-2017, 10:25

Qalib Salahzadə məhkəməyə gəlmədi
Sabunçu Rayon Məhkəməsində millət vəkili Çingiz Qənizadənin sabiq deputat, Şeyxülislam Hacı Allahşükür Paşazadənin qudası Qalib Salahzadəyə qarşı xüsusi ittiham qaydasında şikayəti üzrə məhkəmənin bu günə təyin olunan hazırlıq iclası təxirə düşüb.

Prosesə sədrlik edən hakim Ziya Şirinov bildirib ki, Qalib Salahzadə məhkəməyə gəlmədiyi üçün proses təxirə salınır.

Proses oktyabrın 12-nə təyin olunub.

Qeyd edək ki, Ç.Qənizadə Qalib Salahzadənin Cinayət Məcəlləsinin 147.1 (Böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə və ya kütləvi informasiya vasitəsində yayma) maddəsi ilə ittiham olunması üçün məhkəməyə müraciət edib.

Buna səbəb son vaxtlar Q.Salahzadənin Ç.Qənizadəyə qarşı mətbuatda ittihamlar səsləndirməsidir.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi