Azia.az təqdim edir. Medicina.az xəbər verir ki, tibb elmləri doktoru cərrah Pərviz Abbasovun sözlərinə görə, əməliyyatda mədənin həcminin 80 faizi kəsilib götürülür. Bundan sonra mədə boruvari forma alır, kiçilir və kökəlmə hormonu olan hissə kəsildiyi üçün iştah kəsilir. Ona görə əməliyyatdan sonra kəskin aclıq hissi yaranmır, pasiyent arıqlayır. Həmçinin qanda şəkərin miqdarı azalır. Lakin bu əməliyyatda mədənin fizioloji funksiyaları pozulmur, həzm öz qaydasında gedir. Bu əməliyyat nəinki artıq çəkili, həmçinin şəkərli diabet, insulindən asılı xəstələrdə də uğurlu nəticələr verir.