azia.az
azia.az

Bu gündən dərs başlayır, direktor 10 şagirdi məktəbə buraxmır: Nazirlik isə “gözləsin” deyir - Sumqayıtdan GİLEY

15-09-2020, 12:09

Bu gündən dərs başlayır, direktor 10 şagirdi məktəbə buraxmır: Nazirlik isə “gözləsin” deyir - Sumqayıtdan GİLEY

Sumqayıt şəhər Yusif Məmmədəliyev adına 31 nömrəli tam orta məktəbin direktoru Xanım Əhmədova onlayn qeydiyyatdan keçmiş, 1-ci sinfə gedəcək 10 uşağın sənədlərini geri qaytarıb.

Bununla bağlı Azia.Az-a valideynlərdən biri şikayət edib. Şikayətçi bildirib ki, 1 ay əvvəl övladını onlayn qeydiyyatdan keçirib: “Sənədlərinin tam qaydasında olmasına baxmayaraq, Sumqayıt şəhər 31 nömrəli tam orta məktəbin direktoru Xanım Əhmədova ümumilikdə 10 uşağın sənədlərini qəbul etmir. Bizə deyirlər ki, məktəbdə 1-ci sinif müəllimləri üçün nəzərdə tutulan uşaq sayı tamamlandığı üçün yerdə qalan 10 uşağı götürə bilməzlər. Sabah dərs başlayır. Bunların məntiqi ilə belə çıxır ki, 10 uşaq təhsilsiz qalacaq. Birinci sinifin uşaqların gələcəyi üçün nə dərəcədə önəmli olduğu məlumdur.

Bizim uşaqlar niyə təhsildən kənarda qalmalıdır? Əgər məktəbdə yer yox idisə, o zaman niyə onlayn qeydiyyatdan keçirdilər? Məgər onlayn qeydiyyat zamanı hər məktəbə neçə uşağın götürüləcəyi bilinmirmi? Bu məsələlər necə tənzimlənib ki, bizim uşaqlar kimlərinsə günahı ucbatından təhsildən kənarda qalır?”

Məsələ ilə bağlı Təhsil Nazirliyinin mətbuat xidmətinin rəhbəri Cəsarət Valehovla əlaqə saxladıq. Şikayəti diqqətə çatdırdıqdan sonra nazirliyin sözçüsü ilə söhbətimizi olduğu kimi təqdim edirik:

V.M:
-Məktəbə qəbul olunmayan uşaqların valideynləri nə etsin?
C.V:
-Gözləmə siyahısı var, orada gözləsin.
V.M:
-Sabah dərs başlayır axı...
C.V:
-Başa düşürəm, gözləmə siyahısında həftənin sonunadək gözləsin, müvafiq olaraq ona cavab veriləcək.
V.M:
-Onlayn qeydiyyatdan keçən uşaqlarda belə problem olur?

C.V:
-Yox, əslində onu yerləşdirməlidirlər.

Məsələ ilə bağlı Sumqayıt Şəhər Təhsil Şöbəsi və sözügedən Sumqayıt şəhər 31 nömrəli məktəblə əlaqə saxlamağa çalışsaq da, zənglərimizə cavab verilmədi.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 
MƏZƏNNƏ
 Valyuta məzənnəsi