Finlandiyanın “Nokia” şirkəti telefon istehsalını dayandırsa da, patent və lisenziya gəlirləri hesabına milyardlarla dollar qazanmağa davam edir.

Xəbər verilir ki, şirkət 2014-cü ildə cihaz və xidmətlər bölməsini 7,2 milyard dollara “Microsoft”a satıb. “Microsoft” isə bir il sonra mobil biznesdən 7,6 milyard dollar zərər ilə çıxıb.

“Nokia” isə patentləri və şəbəkə infrastrukturu biznesini qoruyub. Şirkətin 26 mindən çox patent ailəsi var.

“Apple”, “Samsung”, “Huawei”, “Oppo” və “Vivo” kimi şirkətlər “Nokia”ya müxtəlif mobil rabitə texnologiyalarından istifadəyə görə royalti ödəyir.

Şirkətin patent lisenziyalaşdırma bölməsinin 2024-cü ildə satışları 2,2 milyard dollar təşkil edib./metbuat