Şəki şəhər Uşaq evində 18 yaşlı kimsəsiz qıza işgəncə verilməsi ilə bağlı video yayan hüquq müdafiəçisi Azərbaycanı tərk edib.

Bu haqda “Qafqazinfo”ya məlumat verən “Uşaq evlərinə qayğı” İctimai Birliyinin rəhbəri Sahib Teymurov deyib ki, haqqında cinayət işinin açılması və həbs ediləcəyi barədə məlumat aldıqdan dərhal sonra ölkəni tərk etmək məcburiyyətində qalıb: “Hal-hazırda qonşu ölkələrin birində yerləşən Birləşmiiş Millətlər Təşkilatının (BMT) sığınacaq üzrə Departamentinə müraciət edib xahiş etmişəm ki, bizim ailəmizə Avropa ölkələrinin birində siyasi mühacir statusunun verilməsinə köməklik göstərsinlər”.