azia.az
azia.az

Əmək və Əhalinin Sosial Müdafiəsi Nazirliyinin elektron xidmətlərinə müraciətin sayı açıqlanıb

2-06-2017, 09:15

Əmək və Əhalinin Sosial Müdafiəsi Nazirliyinin elektron xidmətlərinə müraciətin sayı açıqlanıb


Cari ilin may ayında Əmək və Əhalinin Sosial Müdafiəsi Nazirliyinin elektron xidmətlərinə 745 298 müraciət qeydə alınıb ki, bu da ötən ay “Elektron hökumət” portalına ümumi müraciətlərin 34,4%-ni təşkil edir.

Nazirliyin İctimaiyyətlə əlaqələr şöbəsindən “APA-Economics”ə verilən məlumata görə, hazırda vətəndaşlar pensiya və sosial sığorta münasibətləri, əmək münasibətlərinin rəsmi qeydiyyatı, sosial yardımla bağlı müraciət edilməsi, əlilliyin qiymətləndirilməsi və s. məsələlərlə bağlı elektron xidmətlərdən real vaxt rejimində tam şəffaf şəraitdə faydalanırlar. Eyni zamanda əmək qabiliyyətinin müvəqqəti itirilməsi, hamiləliyə, doğuma, uşağın anadan olmasına və s. səbəblərə görə müavinətlə bağlı haqq-hesab cədvəlinin təqdim olunması, iş yerinə dair arayışın əldə edilməsi, pensiya və müavinətlərin hesablanması və s. üzrə e-xidmətlər əhalinin istifadəsindədir.

Əhali üçün aktual iş sahələrini əhatə edən bu e-xidmətlər eyni zamanda geniş istifadəçi kontingenti ilə seçilirlər. Bu gün “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi”, “Ünvanlı sosial yardımla bağlı müraciətin edilməsi”, “Əmək qabiliyyətinin müvəqqəti itirilməsinə görə müavinətlə bağlı haqq-hesab cədvəlinin təqdim edilməsi”, “İş yerinə dair arayış”, “Əmək müqaviləsi bildirişləri barədə məlumatların işçilər tərəfindən əldə edilməsi”, “Məcburi dövlət sosial sığortası üzrə hesabatların təqdim edilməsi”, “Sığortaolunanın onlayn uçota alınması”, “Hamiləliyə və doğuma görə müavinətlə bağlı haqq-hesab cədvəlinin təqdim edilməsi” və s. e-xidmətlər vətəndaşların daha çox müraciət etdikləri e-xidmətlər sırasındadırlar.

Ümumilikdə Əmək və Əhalinin Sosial Müdafiəsi Nazirliyinin 30-a yaxın e-xidməti fəaliyyət göstərir ki, həmin e-xidmətlərə cari ilin yanvar-may aylarında 4 mln. 577 min 511 müraciət qeydə alınıb.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    İyul 2022    »
BeÇaÇCaCŞB
 123
45678910
11121314151617
18192021222324
25262728293031
MƏZƏNNƏ
 Valyuta məzənnəsi