“Rusiya ATƏT məkanındakı böhranların həllində həlledici rol oynaya bilər”

APA-nın Moskva müxbirinin verdiyi məlumata görə, bunu Rusiyada səfərdə olan Avstriya xarici işlər naziri, ATƏT-in fəaliyyətdə olan sədri Sebastian Kurts “Sputnik”ə müsahibəsində bildirib.

“Rusiya mövcud böhranların sülh yolu ilə həlli ilə bağlı konstruktiv dialoqa kömək göstərilməsi məsələsində həlledici rol oynaya bilər”, – deyə S. Kurts vurğulayıb.

Qeyd edək ki, ATƏT-in fəaliyyətdə olan sədri bu gün Moskvada Rusiya xarici işlər naziri Sergey Lavrovla görüşəcək. Görüşdə Suriyadakı vəziyyət, Ukrayna böhranı, Dağlıq Qarabağ və Dnestryanı münaqişəsinin nizamlanması ilə bağlı məsələlər müzakirə olunacaq.