Avstraliyanın cənubunda Adelayd şəhərinin şimalında yerləşən, təxminən 2 min əhalisi olan Kupr Pedi adlı qəsəbədə 100 ildir insanlar yerin altında yaşayır.

Azia.az xəbər verir ki, 43 dərəcə istilik və quraqlığın olmasına dözməyən insanlar evlərini yerin altına köçürməklə problemin həllini tapıblar.

Dünyanın opal mədəninin paytaxtı hesab edilən Kupr Pedidə qazılmış minlərlə quyu var və insanlar həmin quyularda 1500 ev tikib, bir-birinə bağlayıblar.

Qəsəbədə bundan əlavə, bir çox mağaza, kilsə, muzey, sənət qalereyası və hətta bir otel də var.