Rusiya və Türkiyə qarşılıqlı şəkildə ticarətdə bütün məhdudiyyətləri aradan qaldırmağa dair bəyanat veriblər, sənədi iki dövlətin baş nazirlərinin müavinləri Arkadi Dvorkoviç və Mehmet Şimşek imzalayıblar.

RİA Novosti xəbər verir ki, mərasimdə Rusiya baş naziri Dmitri Medvedev və Türkiyə hökumət başçısı Binəli Yıldırım iştirak ediblər.

Bazar ertəsi Medvedev Qara Dəniz İqtisadi Əməkdaşlıq Təşkilatının sammitində iştirak edib və sammit çərçivəsində türkiyəli həmkarı ilə görüşüb.

Daha öncə Rusiya hökumətinin mətbuat xidməti İstanbula səfər çərçivəsində Rusiya baş nazirinin Türkiyə prezidenti Rəcəb Tayyib Ərdoğanla danışıqlarının baş tutacağı barədə məlumat yaymışdı.

Politico.az